قصة صغيرة ..بقلم الشاعر محمود العرابي

                                 ( قصة صغيرة )




بدي احكي قصة صغيره
عن اهل..صحاب..وعشيره
قصة كرامة بتنداس
ودرب طويييييل ومسكر


قصة ظلم الناس للناس
وقلب مسكيييين وحساس
قلب من الفرحة محروم
وع الخاين ما بيتحسر

شاف وشاف وياااما شاف
لكن عمره ما بيخاف
ظلمك طول يا دنيا
وع الدنيا الله اكبر

عند الله كل شي معلوم
وبوخذ حقه لهالمظلوم
معلش ..أصبر يا إنسان
لو مهما الوقت تأخر

كان وكان وياااما كان
اصحاب واهل وخلان
كانوا يتمنوا قربي
وبنومي ما اتكدر

صار اللي يشوفني يجنب
وعن دربي ما بيقرب
راح القرش الي مشانه
كل الروس بتتكسر

كانوا بالصحبه أخوان
وبالموقف ما حدا بخلان
لما انادي وأقول يا فلان
بطلعلي مثل عنتر

ولما خلصت مصلحته
وكلمن شلح اقنعته
كلمة توديهم وتجيب
ريشة بالهوا تتمختر

ولما يلف الزمن ويدور
برجع كل واحد مكسور
وانا بسامح ومن صغري
قلبي طيب ومعثر
ℳ مًحًمًوٌدٍ آلَعٌرآبًي ℳ